Արագ հանգստանալու 7 միջոց. 1in.am

Դեռ շատ գործ կա անելու, բայց էլ ուժ ու էներգիա չկա՞: healthinfo.ua-ն առույգությունն ու էներգիան արագ վերականգնելու մի քանի խորհուրդ է տալիս:

1.  Մի քիչ լռություն

Կես ժամ մնացեք լիակատար լռության մեջ՝ ոչինչ չանելով: Կարելի է վարագուրել պատուհանները, անջատել լույսը կամ պարզապես փակել աչքերը: Հարմար պառկել կամ նստել, փորձել անջատել բոլոր մտքերն ու հույզերը:

2.  Փոխել գործունեությունը

Եթե դուք ամբողջ օրը նստել եք համակարգչի դիմաց, մարզվեք: Եթե դուք ամբողջ օրը քաղաքում եք աշխատել, պառկեք՝ ոտքերը վեր բարձրացնելով: Ամենակարևորն է նախորդ գործունեությանն ուղղակիորեն հակասող գործողություն անել:

3.  Ուշադրություն սննդակարգի վրա

Մթերքների ցանկ կա, որոնք հրաշալիորեն լրացնում են էներգիայի պակասը և ակտիվացնում՝ շոկոլադ, կանաչ թեյ, մանգո, մեղր: Եթե չեք ուզում ուտել, պարզապես մաստակ ծամեք. ծամելու գործընթացը նվազեցնում է արյան մեջ կորտիզոլի մակարդակը, հետևաբար՝ նվազում է սթրեսը:

4.  Մեդիտացիա

Այն կարող է բոլորովին կարճ լինել՝ 5 րոպեից ոչ ավելի, բայց ուժերն 8-ժամանոց քնից լավ կվերականգնի: Հարմար նստել, դիրք ընդունել, որի դեպքում առավելագույնս հարմարավետ կզգաք: Կենտրոնանալ շնչառության վրա. խորը շունչ քաշել ու երկար արտաշնչել: Հետևել մտքերին, սակայն հատուկ որևէ բանի մասին չմտածել: Լսել և աչքի պոչով հետևել, թե ինչ է կատարվում, բայց դրա վրա չկենտրոնացնալ:

5.  Շեղում

Շեղվել բոլորովին այլ գործի կամ երևույթի վրա: Օրինակ՝ նրանց համար, ովքեր ամբողջ օրը մարդկանց մեջ են, օգտակար է նայել ամպերին կամ պատուհանից բացվող տեսարանին: Փորձել մտովի հաշվել մինչև հարյուրը և հակառակը: Կարելի է բարձրաձայն կամ մտովի բանաստեղծություն հիշել և կարդալ կամ երգել:

6.  Շեշտը՝ ոտքերին

Ոտնաթաթերի վրա հսկայական քանակությամբ ակտիվ կետեր կան, ուստի ոտնաթաթի մերսումը հրաշալի միջոց է ակտիվությունը վերականգնելու համար: Խնդրեք որևէ մտերիմի մերսել ձեր ոտնաթաթերը կամ դրա համար հատուկ մերսող սարք օգտագործել: Կարելի է կոշիկները հանել և պարզապես բոբիկ քայլել, իդեալական տարբերակում ՝ հողի վրայով: Կարելի է թենիսի գնդակ վերցնել և այն 2 ոտնաթաթերով խաղացնել հատակի վրա:

7.  Ջուրը հանում է սթրեսը

Ո՛չ միայն սթերսը, այլև՝ հոգնածությունը: Կարող եք պարզապես լվացվել կամ սառը ջրով թրջել դաստակները: Եթե ժամանակը և հանգամանքները թույլ են տալիս, սառը ցնցուղ ընդունել:

Հարցեր, պատասխաններ, մեկնաբանություններ